Pièce 02 — La nuict estoit pour moy si tresobscure

La nuict estoit pour moy si tresobscure, Que Terre, & Ciel elle m’obscurissoit, Tant, qu’à Midy de discerner figure N’avois pouvoir, qui fort me marrissoit : Mais quand je vis que l’aulbe apparoissoit En couleurs mille & diverse, & seraine, Je me trouvay de liesse si pleine (Voyant desjà la clarté a la ronde) Que commençay louer a voix haultaine Celuy, qui feit pour moy ce Jour au Monde.