Aux Amys, et Soeurs de feu Claude Perreal, Lyonnoys

En grand regret, si pitié vous remord, Pleurez l'Amy Perreal, qui est mort, Vous ses Amys: chascun prenne sa plume: La mienne est preste, et bon desir l'alume A deplorer (de sa part) telle mort. Et vous ses Soeurs, dont maint beau Tableau sort, Paindre vous fault, pleurantes son grief fort Pres de la Tombe, en laquelle on l'inhume En grand regret. Regret me blesse, et si sçay bien au fort; Qu'il fault; mourir, et que le desconfort (Soit court, ou long) n'y sert que d'amertume: Mais vraye amour, est de telle coustume, Qu'elle contrainct les Amys plaindre fort En grand regret.