C’est grant bien que de ces amours...

C’est grant bien que de ces amours, Qui miracles font si appertes Que maintes dames font appertes Qui ja aloient en decours. Ilz garissent, de commun cours, De plus grans maulz que fièvres quartes, C’est grant bien que de ses amours. N’il n’est si vieulx, soit longs ou cours, S’il en est bien ferus acertes, Qu’il ne lui semble tout de certes Qu’il prendroit bien le lièvre au cours ; C’est grant bien que de ses amours.