Com turtre suis sanz per toute seulete...

Com turtre suis sanz per toute seulete Et com brebis sanz pastour esgarée ; Car par la mort fus jadis séparée De mon doulz per, qu’a toute heure regrette. Il a sept ans que le perdi, lassette, Mieulx me vaulsist estre lors enterrée ! Com turtre suis sans per toute seulete. Car depuis lors en dueil et en souffrete Et en meschief trés grief suis demeurée. Ne n’ay espoir, tant com j’aré durée. D’avoir soulas qui en joye me mette ; Com turtre suis sans per toute seulete.