De la Paix traictée à Cambray par trois Princesses

Dessus la Terre on voyt les trois Deesses, Non pas les trois, qui après grand liesses Misrent au Monde aspre guerre, et discord: Ces trois icy avec paix, et accord Rompent de Mars les cruelles rudesses. Par ces trois là entre tourbes, et presses La Pomme d'or causa grandes oppresses: Par ces trois cy l'Olive croist, et sort Dessus la Terre. S'elle fleurist, sont divines largesses S'elle flestrist, sont humaines sagesses: Et en viendra (si l'Arbre est bon, et fort) Gloire à Dieu seul, aux humains reconfort, Amour de peuple aux trois grandes Princesses Dessus la Terre.