De tous amans je suis le plus joyeux...

De tous amans je suis le plus joyeux, Puis qu’envers moy s’est ma dame acoisiée, Qui contre mi si mal ere apaisiée Que je n’osoie aler devant ses yeulx. Puis qu’elle a fait la paix, or me va mieulx, Et qu’il lui plaist que je l’aie baisiée De tous amans je suis le plus joyeux. Moult m’a esté son courroux anieux Et a porter la doulour mesaisiée, Mais or suis liez quant elle est amaisiée ; Puis qu’ainsi va, et louez en soit Dieux, De tous amans je suis le plus joyeux.