De Trois Alliances

Tant et plus mon cueur se contente D'alliances, car aultre attente Ne me sçauroit mieulx assouvrir, Veu que j'ay (pour honneur suivir) Pensée, Grand Amye, et Tante. La Pensée est noble, et prudente: La grand Amye belle, et gente: La Tante en bonté veulx pleuvir Tant et plus. Et ce Rondeau je luy presente; Mais pour conclusion decente, La premiere je veulx servir: De l'autre l'amour desservir: Croire la tierce, est mon entente Tant et plus.