Du Disciple soustenant son Maistre contre les Detracteurs

Du premier coup, entendez ma response Folz Detracteurs, mon Maistre vous annonce Par moy, qui suis l'un de ses Clercs nouveaulx, Que pour rimer ne vous craint deux Naveaulx, Et eussiez vous de sens encor une once. Si l'espargnez, tous deux je vous renonce: Picquez le donc mieulx que d'Espine, ou Ronce, Luy envoyant des meilleurs, et plus beaulx Du premier coup. Et tenez bon, ensuyvant ma semonce, Car si ung coup ses deux Sourcilz il fronce, Et eussiez-vous de Rimes, et Rondeaulx Plein trois Barrilz, voire quatre Tonneaulx, Je veulx mourir, s'il ne les vous deffonce Du premier coup.