Epitaphe de Jouan, le fol de ma Dame

Je fuz Jouan, sans avoir femme, Et fol jusque à la haulte Game. Tous Folz, et tous Jouans aussi Venez pour moy prier icy. L'ung apres l'autre, et non ensemble: Car le lieu seroit (ce me semble) Ung petit bien estroict pour tous: Et puis s'on ne parloit tout doul, Tant de gens me romproient mon somme. Au surplus: quand quelcque saige homme viendra mon Epitaphe lire, J'ordonne (s'il se prend à rire) Qu'il soit des Folz maistre passé. Fault il rire d'ung trespassé?