Epitaphe de Maistre André le Voust, Medecin du Duc d'Alençon

Celluy qui prolongeoit la vie des humains, A la sienne perdue, au dommaige de maintz. Helas c'estoit le bon feu maistre André le Voust, Jadis Alençonnoys, ores pasture, et goust De terrestre vermine: et ores revestu de Cercueil, et de Tumbe, et jadis de Vertu. Or est mort Medecin du bon Duc d'Alençon: A Nature ainsi fault tous paier la rençon.