J'ay trouvé moien, et loisir...

J'ay trouvé moien, et loisir D'envoyer Monsieur à la chasse, Mais ung aultre prend le plaisir Qu'envers ma Dame je pourchasse. Ainsi pour vous gros Boeufz puissans, Ne trainez Charrue en la Plaine: Ainsi pour vous Moutons paissans, Ne portez sur le dos la Laine. Ainsi pour vous Oyseaulx du Ciel, Ne sçauriez faire une couvée: Ainsi pour vous Mousches à miel, Vous n'avez la Cire trouvée.