J'ayme le cueur de m'Amye...

J'ayme le cueur de m'Amye, Sa bonté, et sa doulceur. Je l'ayme sans infamie, Et comme ung Frere la Soeur. Amytié desmesurée, N'est jamais bien asseurée, Et mect les cueurs en tourment: Je veulx aymer aultrement. Ma Mignonne debonnaire, Ceulx, qui font tant de clamours, Ne taschent qu'à eulx complaire Plus, qu'à leurs belles amours. Laissons les en leur follye, Et en leur melancolye: Leur amytié cessera, Sans fin la nostre sera.