Ma Dame ne m'a pas vendu...

Ma Dame ne m'a pas vendu, Elle m'a seulement changé: Mais elle a au change perdu, Dont je me tiens pour bien vengé, Car ung loyal a estrangé Pour ung aultre, qui la diffame. N'est elle pas legiere femme? Le Noir a quicté, et rendu, Le Blanc est d'elle defrengé, Violet luy est deffendu, Point n'ayme Bleu, ny Orangé: Son cueur muable s'est rengé Vers le Changeant, couleur infame. N'est elle pas legiere femme?