Mauldicte soit la mondaine richesse...

Mauldicte soit la mondaine richesse, Qui m'a osté m'Amye, et ma Maistresse. Las par vertu j'ay son amytié quise, Mais par richesse ung aultre l'a conquise: Vertu n'a pas en amour grand prouesse. Dieu gard de mal la Nymphe, et la Deesse: Mauldict soit l'Or, où elle a sa liesse, Mauldicte soit la fine Soye exquise, Le Dyamant, et la Perle requise Puis que par eulx il fault qu'elle me laisse.