Mon cueur se recommande à vous...

Mon cueur se recommande à vous, Tout plein d'Ennuy, et de Martire: Au moins en despit des Jaloux Faictes qu'à Dieu vous puisse dire. Ma bouche, qui vous souloit rire, Et compter propos gracieux, Ne faict maintenant que mauldire Ceulx, qui m'ont banny de voz yeux. Banny j'en suis par faulx semblant: Mais pour nous veoir encor ensemble, Fault que me soiez ressemblant De fermeté: car il me semble Que quand faulx Rapport desassemble Les Amans, qui sont assemblez, Si ferme amour ne les r'assemble Sans fin seront desassemblez.