Pièce 19 — Je te promis au soir que pour ce jour

Je te promis au soir, que pour ce jour Je m’en irois a ton instance grande Faire chés toy quelque peu de sejour : Mais je ne puis : parquoy me recommande, Te promectant m’acquicter pour l’amande, Non d’un seul jour, mais de toute ma vie, Ayant tousjours de te complaire envie. Donc te supply accepter le vouloir, De qui tu as la pensee ravie Par tes vertus, ta grace, & ton sçavoir.