Pièce 23 — Je puis avoir failly par ignorance

Je puis avoir failly par ignorance, Celà me fault, maulgré moy, confesser : Mais que je prenne en moy telle arrogance, Que dessus vous je m’osasse avancer : Je vous supply ne me vouloir penser Si indiscrette a faire mon debvoir. Bien est il vray, que je tasche a avoir Ce, qui m’est deu, quoy qui en ait esmoy : Car si Amour, & foy ont ce pouvoir De vous donner, vous estes tout a moy.