Pièce 49 — Mon jour estoit assis tout aupres d’une

Mon Jour estoit assis tout aupres d’une, L’entretenant a l’aise, & a repos, D’affection non autre, que commune, Mais comme on vient d’un a autre propos. Voicy Amour sur eulx gay, & dispos, Portant un arc, & traictz a la Gregeoise, Lequel lascha deux motz a la Bourgeoise, Et au partir lui dit, callimera : Lors souspeçon en mon cueur myt grand noise, Doubtant qu’il dist d’elle : qu’il l’aymera.