Que me vault donc le complaindre...

Que me vault donc le complaindre Ne moy plaindre De la doulour que je port Quant en riens ne puet remaindre ? Ains est graindre Et sera jusqu’à la mort. Tant me vient doulour attaindre, Que restraindre Ne puis mon grant desconfort ; Que me vault donc le complaindre ? Quant cil qu’amoye sanz faindre Mort estraindre A voulu, dont m’a fait tort ; Ce a fait ma joye estaindre, Ne attaindre Ne poz puis a nul déport ; Que me vault donc le complaindre ?