Tout en pensant a la beauté, ma dame...

Tout en pensant a la beauté, ma dame. Qu’on ne pourroit prisier souffisament. Ce rondellet ay fait présentement ; Car mon penser n’est ailleurs, par mon ame. Se je l’ay fait ne s’en esmerveille ame, Car survenu m’en est lesentement Tout en pensant a la beauté, ma dame. De vraie amour, qui mon cuer tout enflamme, Est tout venu le doulz enortement Qui esjoïst mon cuer trop grandement, Dont suis plus gay que oyselet sus la rame, Tout en pensant a la beauté, ma dame.