Une pastourelle gentille...

Une pastourelle gentille, Et ung Bergier en ung Verger L'autre hyer jouant à la Bille S'entredisoient pour abreger, Roger, Bergier, Legere Bergiere, C'est trop à la Bille joué. Chantons Noé, Noé, Noé. Te souvient il plus du Prophete Qui nous dist cas de si hault faict, Que d'une Pucelle parfaicte Naistroit ung Enfant tout parfaict? L'effect Est faict: La belle Pucelle A ung filz du ciel advoué, Chantons Noé, Noé, Noé