Poème
Pour un Mal D’Yeux
Que je vous plains, ô mes beaux adversaires ! Astres divins, roys des cœurs et des yeux. Venus jalouse et le soleil des cieux Cachent le jour de vos flammes si claires. L’aveugle enfant dont ma peine est venuë, De son bandeau vos rayons tient couvers ; Mais leur clarté luit et flambe au travers, Comme un éclair se fait jour par la nuë. Phœbus, Amour ou Cyprine la belle De vos beaux yeux n’obscurcit la couleur ; Non, c’est le ciel, touché de ma douleur, Qui veut punir leur mauvaistié cruelle. Car sa faveur ne leur avoit donnée, Tant de clartez, tant d’amours, tant d’appas, De traits, d’attraits, pour causer mon trespas, Brûlant une ame à vos loix destinée. Repentez-vous, et, changeant de pensée, Soyez plus douce au cœur qui n’est qu’à vous ; Tout aussi-tost le ciel vous sera doux, Chassant le mal dont vous estes pressée. Ô ciel clément ! si juste est ma priere, Guary sa veuë et luy blesse le cœur, Mesme à ses yeux donne plus de lumiere, À celle fin de mieux voir ma langueur.
Connectez-vous pour laisser un commentaire.