Quant chacun s’en revient de l’ost...

Quant chacun s’en revient de l’ost Pour quoy demeures tu derriere ? Et si scez que m’amour entiere T’ay baillée en garde et depost. Si dcusses retourner plus tost, A fin que faisiens bonne chiere, Quant chacun s’en revient de l’ost. Puis qu’honneur point ne le te toit Qui te puet tenir si arriere ? Je m’en plaindray de la maniere Au dieu d’amours, c’est mon prevost, Quant chacun s’en revient de l’ost.