Poème
Sonnet LXXVII. — Ô foy ! qui dans mon ame as choisi ta retraitte
Ô foy ! qui dans mon ame as choisi ta retraitte, Ne trouvant autre part nul sejour asseuré En ce siecle infidelle, où le monde égaré Avec rage et mespris t’offence et te rejette ; Si durant que le ciel plus rudement me traitte, Et quand je pers le bien par merite esperé, Mon esprit de constance est plus fort remparé Et rend à sa vertu la fortune sujette, Deesse, en ma faveur, veille soigneusement À conserver ma flamme ardant incessamment ! Fay qu’elle s’entretienne et ne soit consommée ; Car, quand le feu d’amour dedans moy s’esteindra, Ma vie au mesme instant tout à coup defaudra : Dans ce tison fatal ma Parque est enfermée.
Connectez-vous pour laisser un commentaire.