Sonnet XXXIII. — Vous qui fuyez les pas du vulgaire ignorant

Vous qui fuyez les pas du vulgaire ignorant, Et par maints grands labeurs gaignez la connoissance Des secrets de nature, admirable en puissance, D’entre les faussetez la verité tirant, S’il est vray qu’à son bien tout homme aille courant, D’où vient que je sois seul suivant ce qui m’offance ? D’où vient qu’en le sçachant je n’y fay resistance, Mais que de mon bon gré je le vay procurant ? Ou, si c’est mon vray bien que d’adorer ma dame, Pour quoy son doux regard n’appaise-t-il mon ame ? D’où me vient tant de glace et de brûlans trespas ? S’ils naissent de la voir, comment se peut-il faire Que j’y coure à toute heure, ardant et volontaire, Et craigne moins la mort que de ne la voir pas ?