Fantaisie

D’où vient qu’un beau soleil, qui luit nouvellement, Soit à tous favorable, et à moy si contraire ? Il m’esblouyt la veuë, au lieu qu’il leur éclaire, Il échauffe les cœurs, et me va consommant. L’autre soleil du ciel n’offense aucunement Les lieux qui sont privez de sa flamme ordinaire : Mais ce nouveau soleil me cuit plus vivement, Quand loin de ses rayons je languy solitaire. Je t’accuse, Nature, et me plains justement ; Car puis qu’il me devoit porter tant de nuisance, Attizant en mon cœur un feu si vehement, Que n’as-tu pour mon bien retardé sa naissance ? Toutesfois si nostre âge, heureux par sa presence, Ne pouvoit sans mon mal voir ses yeux clairement, Je pren tout consolé ma mort en patience : Qui meurt pour le public meurt honorablement.