Helene de Fonseques

Comme on voit au printans le bouton rougissant, Amoureux du soleil, languir en son absance, Puis en le revoyant changer de contenance, D’odeurs et de beautez le ciel resjouyssant. Tout ainsi mon esprit tristement languissant, Durant l’obscure nuict des miseres de France, Voyant de vos beautez l’agreable presence, S’égaye et veut encor se monstrer florissant. Or si la saincte ardeur qui vient de vous l’enflame, Je vous nomme à bon droit le soleil de mon ame, M’efforçant de monstrer sa divine clarté ; Que, si selon mon cœur j’y pouvoy satisfaire, Le vice deviendroy de soy-mesme adversaire, Voyant de vos vertus l’admirable beauté.