Pour Mettre Devant un Petrarque

Le labeur glorieux d’un esprit admirable Triomphe heureusement de la posterité, Comme ce Florentin qui a si bien chanté Que les siecles d’apres n’ont trouvé son semblable. La beauté n’est ainsi, car elle est perissable ; Mais Laure avec ses vers un trophée a planté, Qui fait que l’on revere à jamais sa beauté, Et qui rend son laurier verdissant et durable. Celle qui dans ses yeux tient mon contentement, La passant en beauté, luy cede seulement En ce qu’un moindre esprit la veut rendre immortelle. Mais j’ay plus d’amitié, s’il fut mieux écrivant, Car sa Laure mourut et il resta vivant ; Si ma dame mouroit, je mourrois avec elle.