Sonnet XXXIV. — Amour, à qui j’ay fait tant de fois sacrifice

Amour, à qui j’ay fait tant de fois sacrifice De mon cœur tout sanglant reduit sous ton pouvoir, Si la voix d’un mortel peut les dieux esmouvoir, Tens l’oreille à la mienne, et te monstre propice. Je ne demande pas que mon mal s’adoucisse, Que tu blesses ma dame ou change mon vouloir, Je sçay qu’un si grand heur je ne puis recevoir, Et que jusqu’à la mort il faut que je languisse. Pour fruit de mes labeurs donne moy seulement Que son nom glorieux vive éternellement, Et que mes vers plaintifs, courriers de son merite, Façent qu’apres mille ans les François estonnez Gardent le souvenir d’une belle Hippolyte, Plaignant les coups mortels que ses yeux m’ont donnez.