Sur les Vers de Callianthe

Mirtis, Corinne et la muse de Grece, Sapphon qu’Amour fist si haut soupirer, Tous leurs escrits n’oseroient comparer À ces beaux vers qu’a chantez ma maistresse. Qui veut sçavoir de quels traits Amour blesse, Sans voir vos yeux trop pronts à martyrer, Lise ces vers qu’habile il sçeut tirer De vostre esprit, digne d’une deesse. Pensers, desirs, soupirs, feux et glaçons, Sont les sujets de ces belles chansons, Où seule à part vous retenez vostre ame. Cœur n’est si froid qui n’en fust allumé ; Cachez-les donc, ô mon mal bien-aimé ! Car sans les voir je n’ay que trop de flame.