Du sieur de Sillac

C’est en vain desormais que la mere nature Travaille à faire voir des ouvrages parfaits, Puis qu’ils sont par la mort si promptement défaits, Et que le plus parfait est celuy qui moins dure. Peintres mal avisez, qui, par vostre peinture, Faites la mort sans yeux, reformez vos pourtraits. Tousjours au plus beau but elle adresse ses traits, Et n’en tire jamais un seul à l’avanture. Elle a choisi Sillac entre mille soldars, Sillac, choisi d’Amour, d’ApolIon et de Mars, Et, d’un coup, de trois dieux l’attente elle a ravie. Mais, las ! elle est sans yeux, car s’elle eust veu les pleurs Qu’ont respandu sur luy les beaux yeux de ses sœurs, Elle eust esté contrainte à luy rendre la vie.