Medecin du roy, qui mourut subitement

Apres avoir sauvé par mon art secourable Tant de corps languissans que la mort menaçoit, Et chassé la rigueur du mal qui les pressoit, Gaignant comme Esculape un nom toujours durable ; Ceste fatale sœur, cruelle, inexorable, Voyant que mon pouvoir le sien amoindrissoit, Un jour que le courroux contre moy la poussoit, Finit quant et mes jours mon labeur profitable. Passant, moy qui pouvois les autres secourir, Ne dy point qu’au besoin je ne me peu guarir Car la mort qui doutoit l’effort de ma science, Ainsi que je prenoy sobrement mon repas, Me print en trahison, sain et sans desfiance, Ne me donnant loisir de penser au trespas.