Poème
On parle de seignourie
On parle de seignourie Et d’avoir auttorité ; Mais je ne sçay telle vie Que de nette povreté. Souffisance est grant planté A noble cuer franc et saige ; Richesce est mendicité A tout convoiteus couraige. Car par convoitier mendie Et est en neccessité, Et riches a trop d’envie ; Sires de crudelité, Orgueilleus est, sanz pité, Puis qu’il fait autrui dommaige ; Saige est qui a resisté A tout convoiteus couraige. Encor vault mieulx, quoi c’om die, Soufrir qu’avoir cruaulté : Levez est qui s’umilie, L’orgueilleux est surmonté : En la fin passe Bonté. Or en prenons tuit l’usaige : Renunçons par charité A tout convoiteus couraige. Princes, moult a proufité Qui par raison, sans oultraige, N’a eu nulle affinité A tout convoiteus couraige.
Connectez-vous pour laisser un commentaire.