Sonnet spirituel VIII. — Si mes ans les plus beaux, helas ! trop mal perdus

Si mes ans les plus beaux, helas ! trop mal perdus Au volage appetit d’amour et d’une dame, Plein de chaude esperance et d’amoureuse flame, À ta gloire, ô Seigneur ! eussent esté rendus ; Mes soupirs et mes cris ne seroyent entendus Maintenant, que trop tard le repentir m’entame, Et ces vers, messagers de l’erreur de mon ame, Seroyent en ton honneur çà et là respandus. Au moins puis qu’à la fin sorti de servitude, Je cognoy ma sottise et leur ingratitude, Parfais en moy, Seigneur, ce qu’as bien commencé. Ta bonté pour jamais de leurs fers me delivre, Et le reste des ans que tu me feras vivre, En si sterile champ ne soit ensemencé.