Audict Seigneur, pour se plaindre du thresorier Preudhomme

Puissant Prelat, je me plainds grandement Du Tresorier, qui ne veult croire en Cire, En bon Acquit, en expres Mandement, En Robertet, n’en Françoys nostre Sire : Si ne sçay plus, que luy faire, ne dire, Fors paindre Dieu à mon Acquit susdict : Adonc s’il est si preudhomme, qu’on dit, Il y croira, car en Dieu doibt on croire. Encor j’ay peur, que Dieu ne soit desdit, Si ne mettez l’homme en bonne memoire.