Epitaphe de Jan Cotereau, de luy encores

Je fuz Jan Cotereau, qui quatre roys servy, Desquelz (en bien servant) la grâce desservy, Et dont fut le dernier Françoys premier du nom Soubz qui je trepassay, Seigneur de Maintenon : Ayant jà servy France en son privé secret, Et en ses grands tresors, que laissay sans regret, Pour venir attendre (en paix) de Mort le jour, Où ce Temple fonday pour mon dernier sejour.