Sonnet VIII. — Je me veux rendre hermite et faire penitence

Je me veux rendre hermite et faire penitence De l’erreur de mes yeux pleins de temerité, Dressant mon hermitage en un lieu deserté. Dont nul autre qu’Amour n’aura la connoissance. D’ennuis et de douleurs je feray ma pitance, Mon bruvage de pleurs ; et, par l’obscurité, Le feu qui m’ard le cœur servira de clairté Et me consommera pour punir mon offance. Un long habit de gris le corps me couvrira, Mon tardif repentir sur mon front se lira, Et le poignant regret qui tenaille mon ame. D’un espoir lauguissant mon baston je feray, Et tousjours, pour prier, devant mes yeux j’auray La peinture d’Amour et celle de ma dame.