Sonnet XXI. — On ne voit rien qui soit si solitaire

On ne voit rien qui soit si solitaire Comme je suis, lors que je ne puis voir Ces deux beaux yeux, ma gloire et mon pouvoir, Dont l’orient mes tenebres éclaire. Tout eperdu, je ne sçaurois rien faire Que soupirer, me plaindre et me douloir, Blasmant la nuict, qui me fait recevoir De deux soleils une eclipse ordinaire. Et dy tout has : « Ah ! ce n’est pas à tort Que l’on te nomme, ô Nuict ! sœur de la Mort, Qui tant de fois as mon ame ravie ! Durant le jour, je voy, j’ay mouvement. Es-tu venue ? helas ! cruellement, On me ravit ma lumiere et ma vie ! »