Poème 'Dedens mon Livre de Pensee' de Charles d'ORLEANS dans 'Rondeaux'

Dedens mon Livre de Pensee,
J’ay trouvé escripvant mon cueur
La vraye histoire de douleur,
De larmes toute enluminee,
En deffassant la tresamee
Ymage de plaisant doulceur,
Dedens mon Livre de Pensee.

Helas ! ou l’a mon cueur trouvee ?
Lez grossez gouttez de sueur
Lui saillent, de peinne et labeur
Qu’il y prent, et nuit et journee,
Dedens mon livre de Pensee.