Poème 'Le premier jour du mois de may' de Charles d'ORLEANS dans 'Ballades'

Accueil > Les poètes > Poèmes et biographie de Charles d'ORLEANS > Le premier jour du mois de may

Le premier jour du mois de may

Charles d'ORLEANS
Recueil : "Ballades"

Le premier jour du mois de may
Trouvé me suis en compaignie
Qui estoit, pour dire le vray,
De gracieuseté garnie ;
Et pour oster merencolie
Fut ordonné qu’on choisiroit,
Comme Fortune donneroit,
La fueille plaine de verdure
Ou la fleur pour toute l’annee.
Si prins la fueille pour livree,
Comme lors fut mon aventure.

Tantost apres je m’avisay
Qu’a bon droit je l’avoye choisie,
Car, puis que par mort perdu ay
La fleur de tous biens enrichie,
Qui estoit ma dame, m’amie,
Et qui de sa grace m’amoit
Et pour son amy me tenoit,
Mon coeur d’autre flour n’a plus cure.
Adonc congneu que ma pensee
Acordoit a ma destinee,
Comme lors fut mon aventure.

Pource la fueille porteray
Cest an, sans que point je l’oublie,
Et a mon povair me tendray
Entierement de sa partie.
Je n’ay de nulle flour envie
- Porte la qui porter la doit ! -,
Car la fleur que mon cueur amoit
Plus que nulle autre creature
Est hors de ce monde passee,
Qui son amour m’avoit donnee,
Comme lors fut mon aventure.

ENVOI

Il n’est fueille ne fleur qui dure
Que pour un temps, car esprouvee
J’ay la chose que j’ay contee,
Comme lors fut mon adventure.

Poème préféré des membres

Aucun membre n'a ajouté ce poème parmi ses favoris.

Commentaires

Aucun commentaire

Rédiger un commentaire

Charles d'ORLEANS

Portait de Charles d'ORLEANS

Charles d’Orléans, né à Paris le 24 novembre 1394 et mort à Amboise le 5 janvier 1465, duc d’Orléans, est un prince français, connu surtout pour son œuvre poétique réalisée lors de sa longue captivité anglaise. Il est le fils de Louis Ier, duc d’Orléans, frère du roi de France Charles VI, et de Valentine Visconti... [Lire la suite]

© 2016 Un Jour Un Poème - Tous droits réservés
UnJourUnPoeme sur Facebook UnJourUnPoeme sur Twitter RSS
Nos partenaires : Le Mot pour la frime | Poetiz | Permis moto