Poème 'Tu me desplais, quoy que belle tu soys' de Jean-Antoine de BAÏF dans 'Amours de Méline'

Accueil > Les poètes > Poèmes et biographie de Jean-Antoine de BAÏF > Tu me desplais, quoy que belle tu soys

Tu me desplais, quoy que belle tu soys

Jean-Antoine de BAÏF
Recueil : "Amours de Méline"

Tu me desplais, quoy que belle tu soys,
Tu me desplais, croy moy, je le confesse,
Et, bien qu’a moy tu desplaises, sans cesse
Je suy contreint ton amour toutesfoys.

Ton doulx regard, ta plus qu’humaine voix,
Ton port divin, tes graces, ma Deesse,
Me font t’aimer, mais ceste amour me laisse
Par la fierté, dont meurdrir tu me doys.

Ainsi le dieu, qui mon ame martire,
En ton amour, or me chasse, or m’attire,
Monstrant rigueur, et parfaite beaulté :

L’une m’enflame, et l’autre me rend glace,
Ainsi à toy m’atrait la bonne grace,
Tost m’en deboute une grand’ cruaulté.

Poème préféré des membres

Aucun membre n'a ajouté ce poème parmi ses favoris.

Commentaires

Aucun commentaire

Rédiger un commentaire

© 2024 Un Jour Un Poème - Tous droits réservés
UnJourUnPoeme sur Facebook UnJourUnPoeme sur Twitter RSS